ఏపీలో ఆటవిక రాజ్యం నడుస్తోంది. కొందరు దారుణాలకు పాల్పడుతున్నారు. చట్టాలను చేతుల్లోకి తీసుకొని చితకబాదుతున్నారు. పోలీసుల భయం భక్తి లేకుండా పోతోందని స్థానికులు ఆరోపిస్తున్నారు.
ఇప్పటికే హత్యలు, అత్యాచారాలతో ఏపీలో భయానక వాతావరణం నెలకొంది. శాంతి భద్రతలు క్షీణించాయని డిప్యూటీ సీఎం పవన్ కళ్యాణ్ నే మీడియా ముందర చెప్పాడంటే పరిస్థితి అర్థం చేసుకోవచ్చు.
తాజాగా తూర్పుగోదావరి జిల్లాలో ఒక యువకుడిని కొందరు కలిసి చితకబాదిన వీడియో వైరల్ అవుతోంది. అమ్మాయికి మెసేజ్ పంపినందుకు యువకుడిని హత్య చేయబోయిన బ్యాచ్ నిర్వాకం విస్తుగొలుపుతోంది.
అమ్మాయికి మెసేజ్ చేశాడని యువకుడిపై ముకుమ్మడిగా పాశవికంగా దాడి చేసిన ముగ్గురు యువకుల వీడియో వెలుగుచూసింది. బాధితుడు ఈస్ట్ గోదావరి జిల్లా మలికిపురం AFDT జూనియర్ కళాశాలలో చదువుతున్న విద్యార్థి అని సమాచారం.
ఇంత నిర్భయంగా ఏపీలో దాడులు జరుగుతున్నా పోలీసులు చోద్యం చూస్తున్నారని అరికట్టడం లేదని స్థానికులు ఆరోపిస్తున్నారు.
