నీతి సూత్రాలు చెప్పడానికి తప్ప ఆచరించడానికి పనికిరావు అన్నచందంగా తయారయ్యారు కూటమి నాయకులు, యెల్లో మీడియా అధిపతులు. ఈ విషయాన్ని మరోసారి నిర్ధారిస్తూ టీవీ5 సంస్థ అధినేత బీఆర్ నాయుడు కీలక వ్యాఖ్యలు చేశారు. టీటీడీ చైర్మన్ గా బిఆర్ నాయుడు నియమితులయ్యారు. కొత్త పాలక మండలి ఏర్పాటైంది. ఈ సందర్భంగా ఆయన మాట్లాడుతూ చేసిన వ్యాఖ్యలు ప్రస్తుతం సామాజిక మాధ్యమాల్లో నవ్వులు పూయిస్తున్నాయి. నీతి, నిజాయితీగా పనిచేయాలనుకుంటున్నాను అంటూ ఆయన వ్యాఖ్యానించారు. తిరుమల అంటే కొంతమందికి గిట్టదని ఈ మీడియా వాళ్లకు ఎందుకో మరి తెలియదు అంటూ ఆయన మాట్లాడిన మాటలు ప్రస్తుతం విమర్శలకు కారణం అవుతుంది.
వేరే టెంపుల్స్ గాని, వేర్వేరు వాటికిగాని జోలికి పోరు, తిరుమల అంటే ఒంటి కాలు మీద వస్తారు అంటూ బిఆర్ నాయుడు సుద్దులు చెప్పే ప్రయత్నం చేశారు. కరెక్టుగా ఉంటే వార్తల రాయండి అని తాను తల వంచి యాక్సెప్ట్ చేస్తానని వెల్లడించారు. తప్పుడు వార్తలు రాయొద్దని సూచించారు. కరెక్ట్ వార్తలు రాస్తే తాను కాదనడం లేదని, తిరుమల అనే పవిత్ర ఏదైతే ఉందో దాన్ని మాత్రం పాడు చేయవద్దని ప్రతి ఒక్కరికి రిక్వెస్ట్ చేస్తున్నట్లు పేర్కొన్నారు. ప్రస్తుతం ఈ వీడియో సామాజిక మాధ్యమాల్లో తెగ వైరల్ అవుతుంది.
బిఆర్ నాయుడు మాట్లాడిన మాటలకు.. గతంలో టీవీ5 లో తిరుమల పవిత్రతను దెబ్బతీసేలా ప్రచురించిన కథనాలకు సంబంధించిన అంశాలతో కూడిన వీడియోను జత చేసి సామాజిక మాధ్యమాల్లో తెగ వైరల్ చేస్తున్నారు. ఈ వీడియోని చూసిన ఎంతోమంది నెటిజన్లు అబ్బబ్బో నాయుడు ఎన్నెన్ని సూక్తులు చెబుతున్నారో అని కామెంట్లు చేస్తుండగా, మరికొందరైతే ఈ సుద్ధులు చెప్పడానికే తప్ప తాము ఆచరించడానికి కాదన్న విషయం ఈయన ఎప్పుడో నిజం చేశారంటూ మరికొందరు వ్యాఖ్యానిస్తున్నారు.
తప్పుడు వార్తలు రాయవద్దంటూ సుద్ద పూసా డైలాగులు pic.twitter.com/6pJPNfBko6
— Political Counters (@masticounters) October 31, 2024
