KA Paul : ఒక్క మాటతో బాబు బండారం బయటపెట్టిన కేఏ పాల్.. వైరల్ వీడియో

KA Paul : అతడు ఏ కాకలు తీరిన రాజకీయ నాయకుడో.. యువ నేతో కాదు.. కానీ ఆయన మాటలు మాత్రం తూటాల్లా పేలుతాయి. పైకి కమెడియన్ లా ఉన్నా మాటలు చూస్తే మాత్రం మంటపెట్టేలా ఉంటాయి. తెలుగు రాష్ట్రాల్లో అందరికి సుపరిచితుడైన కేఏ పాల్ మరోసారి చంద్రబాబు పథకాలపై చేతులెత్తేసిన నేపథ్యంలో సంచలన కామెంట్స్ చేశారు. ఓ రకంగా తన మాటలతో ఉతికి ఆరేశాడు.

ఎన్నో హామీలతో గద్దెనెక్కిన చంద్రబాబు ప్రజలకు మంచి పాలన అందించకుండా వారికి మేలు చేయకుండా వైసీపీ కార్యాలయాలు కూల్చివేస్తూ.. రుషికొండ భవనాలపై రచ్చ చేస్తూ.. తాజాగా పథకాలకు నిధులు లేవు.. ఏం చేయలేకపోతున్నామని అనడంపై ఏపీ ప్రజలంతా హతాషులవుతున్నారు. ఈవీఎం ట్యాంపరింగ్ లతో గెలిచిన బాబు నమ్మించి ఇలా హామీలు అమలు చేయకుండా చేతులు ఎత్తేస్తాడని తనకు ముందే తెలుసు అని ప్రజాశాంతి పార్టీ అధ్యక్షుడు కేఏ పాల్ సూటిగా ప్రశ్నించారు.

ఇప్పుడు సూపర్ 6 అంటే భయమేస్తోందని బాబు అంటున్నాడని.. బాబు దొంగ మాటలు గురించి తాను ముందే హెచ్చరించానని కేఏ పాల్ ఆరోపించారు. హైదరాబాద్ కట్టింది తానేనని చెప్పుకునే చంద్రబాబుకు తాను ఎన్ని కంపెనీలు హైదరాబాద్ కు తీసుకొచ్చానని.. వాళ్లందరినీ పిలిచి అడగండని అన్నారు.

తప్పుడు వాగ్ధానాలు ఇచ్చి జైలుకు వెళ్లకుండా ఉండడానికి ఎన్నో హామీలు ఇచ్చి మోసం చేశాడని కేఏ పాల్ మండిపడ్డారు. ఇదే మోడీని ఘోరంగా తిట్టి ఇప్పుడు ఆయన వద్ద భిక్షం ఎత్తుకుంటున్నాడని పాల్ ఫైర్ అయ్యారు. రేవంత్ రెడ్డి కూడా తెలంగాణలో ఫెయిల్ అయ్యాడని పాల్ ఆరోపించాడు.

గద్దెనెక్కగానే వైసీపీ వైఫల్యాలపై దృష్టిపెట్టకుండా మీరు ఇచ్చిన హామీలు నెరవేర్చే పని పెట్టుకోవాలని.. పోలవరం కట్టాలని.. అమరావతిని పూర్తి చేయాలని కేఏ పాల్ సూటిగా బాబు, పవన్ లను నిలదీశారు. కేఏ పాల్ వీడియో ప్రస్తుతం వైరల్ అవుతోంది. ఆ వీడియోను ఇప్పుడు చూడొచ్చు