పవన్ కళ్యాణ్ చెప్పింది శ్రీరంగనీతులు.. ఇప్పుడు కనీసం పిఠాపురం వైపు చూడడం లేదట.. తుఫాన్ భారీ వర్షాలకు ఏపీలోని ఉత్తరాంధ్ర వణుకుతోంది. వరదతో పేదలు, గుడిసెవాసులు, చిన్న ఇంటి వరకూ భిక్కుభిక్కుమంటూ కాలం గడుపుతున్నారు. చాలా మంది వరదల వల్ల నీరు చేరి నిరాశ్రయులుగా మారారు.
ఇలాంటి పరిస్థితుల్లో పిఠాపురం ఎమ్మెల్యేగా గెలిచిన పవన్ కళ్యాణ్ కనీసం అటు వైపు కన్నెత్తి చూడడం లేదు. ప్రభుత్వంలో రెండో స్థానంలో ఉన్న పవన్ కళ్యాణ్ పిఠాపురం ప్రజలను కనీసం డిప్యూటీ సీఎంగా కూడా ఆదుకోవడం లేదు.
పవన్ కళ్యాణ్ తమను ఇంత కష్టాల్లో వదిలేసి సింగపూర్, అసెంబ్లీ అంటూ ఫోజులు కొడుతున్నాడని.. భారీ డైలాగులు వల్లెవేస్తున్నాడని పిఠాపురం ప్రజలు దుమ్మెత్తి పోస్తున్నారు.
వరదలు వల్ల నిరాశ్రయాలుగా మారామని పిఠాపురం ప్రజలు ఆగ్రహం వ్యక్తం చేస్తున్నారు. వర్షాలకు ఎప్పుడు కూలిపోతాయో తెలియని గుడిసెలు ఇళ్లలో ఉంటున్నామని.. వరదలకు కూలిపోతాయని భయమేస్తోందని.. వరదలకు పాములు, తేల్లు సహా ఎన్నో వస్తున్నాయని ప్రాణం భయం ఉందని.. పవన్ మమ్మల్ని పట్టించుకోవడం లేదు అంటూ ఆగ్రహం వ్యక్తం చేస్తున్నారు..
పిఠాపురం ప్రజల ఆగ్రహం వీడియోలను నెటిజన్లు బయటపెట్టి పవన్ కళ్యాణ్ కు ట్యాగ్ చేసి దుమ్మెత్తిపోస్తున్నారు. గెలిచాక పిఠాపురం వాసులు గుర్తుకురావడం లేదా? అంటూ ప్రశ్నిస్తున్నారు.
