మొదలెట్టేశారు.. చంద్రబాబు భక్తులు పారవశ్యంలో మునిగితేలుతున్నారు. దైవాంస సంభూతుడైన చంద్రబాబు గారు ఏపీకి ముఖ్యమంత్రి అయ్యాక ఆయన భక్తులు దేవుడి కంటే ఎక్కువగా కొలుస్తున్నారు. కలియుగ అవతార పురుషుడివలే పూజిస్తున్నారు..
చంద్రబాబు ఎక్కడికెళ్లినా ఆయన భజన బ్యాచ్ మైమరిచిపోతోంది. వరద పోటులో బాబు ఫెయిల్ అయినా కానీ అవేవీ ఈ జనాలకు కనిపించడం లేదు. మా బాబు గారు గ్రేట్ అంటూ పాట అందుకుంటున్నారు. కొత్తగా పాటలు కట్టి పాడేస్తున్నారు కూడా..
తాజాగా ఓ కార్యక్రమంలో పాల్గొన్న బాబు గారికి ఓ హాఠాత్ పరిణామం ఎదురైంది. ఓ యువతి సడెన్ గా లేచి మీ మీద పాట రాశాను పాడుతాను ప్లీజ్ అంటూ వేడుకుంది. ఆ పాట ఎలా ఉంటుంది.. తిడుతుందో పొగుడుతుందో తెలియక బాబు గారు కాస్త తటపటాయించినట్టు కనిపించారు. కానీ చివరకు ‘మోహమాటంతో కూడిన సిగ్గు వల్ల వచ్చిన భయం గౌరవం’ వల్ల ఒప్పేసుకున్నారు.
ఇంకేముంది ఆ యువతి తాను బాబుపై రచించి పాడిన పాటను మైక్ నందుకొని పాడడం మొదలుపెట్టింది. ఆ గాన గంధర్వ సాంగ్ కు బాబు ముఖ కవళికలు కాస్త భిన్నంగా కనిపించాయి. దానికి ఉప్పొంగిపోతున్నాడో.. లేక ఏంటీ ఖర్మ పాట అంటూ నిట్టూరుస్తున్నాడో ఆ హావభావాల్లో కనిపించలేదు. కొంచెం ఆనందంతో పరవించిపోయాడని అనిపించింది. ‘చంద్రుడివో చంద్రుడా’ అంటూసాగిన ఈ పాట విని చివరకు చంద్రబాబు మనస్ఫూర్తిగా నవ్వేసి రెండు చేతులు జోడించి దండం పెట్టి ప్రశంసించాడు. మొత్తానికి ఈ పాట సామరస్యంగా పూర్తి కావడంతో అక్కడున్న వారంతా ఊపిరి పీల్చుకున్నారు.
మొదలెట్టేసారు 😂😂
— B̶L̶I̶N̶D̶ M̶A̶N̶ (@blind__mann) September 11, 2024
