’వినేటోడు ఉంటే.. ఇంట్లో నుంచి విమానం యెళ్లింది’ అన్న చందంగా తయారైంది ఏపీ ఉపముఖ్యమంత్రి పవన్ కల్యాణ్ తీరు. ఆయన చేసే పని అర్ధ రూపాయి అయితే.. చెప్పే మాటలు ఐదు వందల రూపాయలు అన్నట్టుగా ఉంటాయి. ఇ ప్పుడే అవే ఆయన్ను సామాజిక మాధ్యమాల్లో ట్రోలింగ్‌కు గురి చేస్తున్నాయి.
తనకు మరాఠీ తెలుసునని, మరాఠీ భాషను గౌరవిస్తానని ఇటీవల మహారాష్ట్రలో ఎన్నికల్లో పోటీ చేసిన డిప్యూటీ సీఎం పవన్ కల్యాణ్ అన్నారు. భాషపై గౌరవంతో మరాఠీ నేర్చుకున్నానని, తన ఇద్దరు పిల్లలతో మరాఠీలోనే మాట్లాడుతున్నానని చెప్పారు. ప్రతి ఒక్కరూ కనీసం ఐదు ప్రాంతీయ భాషలను నేర్చుకోవాలని పవన్ కళ్యాణ్ ప్రోత్సహిస్తున్నారు.
ఈ మాటలకు వైసీపీ సోషల్‌ మీడియా గట్టిగానే కౌంటర్‌ ఇస్తోంది. గడిచిన కొద్ది రోజులు నుంచి సామాజిక మాధ్యమాల్లో కూటమి నాయకుల తీరును తూర్పు గోదావరి యాసతో తీవ్రస్థాయిలో ఎండ గడుతున్న ఒక యువకుడు పవన్ కల్యాణ్ చేసిన ఈ మాటల గురించి ఒక వీడియో చేశారు.
జెండా కూలీ జెండా కూలీ జాలి రెడ్డిని మాట్లాడుతున్నానంటూ పవన్ పై పడిపోయాడు. మరాఠా వచ్చు అంటూ తెలుగులో చెప్పడం ఏంటని.. మరాఠీలోనే మాట్లాడవచ్చు కదా అని విమర్శించాడు. ఇక అసెంబ్లీలో వచ్చే పదేళ్ల పాటు చంద్రబాబే సీఎం అనడంతో.. పవన్ ను సీఎంగా చూడాలని కలలుగన్న జనసేన కార్యకర్తల కలలు కల్లలయ్యాంటూ ఇక టీడీపీ జెండా మోయడానికేనా తాము ఉన్నది అంటూ ఆ యువకుడు నిట్టూర్చాడు. ఇప్పుడీ వీడియో వైరల్ అవుతోంది.
