చంద్రబాబు ఎన్నికల వేళ ఇచ్చిన హామీలు అమలు చేయకుండా చేస్తున్న మోసంపై వైసీపీ అధినేత జగన్ సమర శంఖం పూరించారు. వైఎస్ జగన్ నుంచి మొదలుపెడితే గత ఎన్నికల్లో వైసీపీ నుంచి ఎమ్మెల్యేలు, ఎంపీలుగా పోటీచేసిన అందరూ.. ప్రతీ కార్యకర్త కూడా చంద్రబాబు ఇచ్చిన సూపర్ 6 హామీలపై ట్వీట్లు, ఫేస్ బుక్ షేర్లు, ఇన్ స్టాగ్రామ్, యూట్యూబుల్లో పెట్టాలని సంచలన పిలుపునిచ్చారు.
ఈ పిలుపు వైరల్ అయ్యింది. ఏపీ వ్యాప్తంగా ప్రతీ వైసీపీ కార్యకర్త ఇప్పడు చంద్రబాబు సూపర్ 6 హామీలపై నిలదీస్తున్నార. సోషల్ మీడియా మొత్తం హోరెత్తిపోతోంది. ఏపీ మొత్తం ఇప్పుడు జగన్ పిలుపుతో టీడీపీని నిలదీస్తున్న పరిస్థితులు కనిపిస్తున్నాయి.
‘‘ఎన్నికల వేళ సూపర్ 6 అంటూ హామీనిచ్చిన చంద్రబాబుకు 74 వేల కోట్ల కేటాయింపులు జరగాలి.. కానీ ఏవీ నెరవేర్చలేదు. ఇది మోసం కాదా.. చంద్రబాబు మీద 420 కేసులు పెట్టకూడదా? అంటూ సోషల్ మీడియాలో పోస్టులు పెట్టండి.. ఎంత మందిని అరెస్ట్ చేస్తాడో చూద్దాం.. ముందు నా నుంచే అరెస్టులు మొదలుపెట్టండి’’ అంటూ వైఎస్ జగన్ ఇచ్చిన పిలుపు ఇప్పుడు కాకరేపుతోంది. టీడీపీని, చంద్రబాబును డిఫెన్స్ లో పడేస్తోంది.
