ఏపీలో పోలీసుల వేధింపులపై ఓ యువకుడు విడుదల చేసిన వీడియో వైరల్ అవుతోంది. ఇప్పటికే వైసీపీ నేతల అరెస్టులపై ఓవైపు ఆగ్రహావేశాలు వ్యక్తమవుతుండగా మరోవైపు పోలీసులు చర్యలు శృతి మించుతున్నాయని పలువురు అంటున్నారు.
నరసరావుపేటలో మదార్ వలి అనే యువకుడు తనపై రూరల్ సీఐ పసుపులేటి రామక్రిష్ణ, కానిస్టేబుల్ బాబు తప్పుడు కేసులో పెట్టి, కేసు కొట్టేయాలంటే ఐదు లక్షలు లంచం ఇవ్వాలని ఒత్తిడి చేస్తున్నారని ఆ యువకుడు రైలు పట్టాలపై పడుకొని వీడియో తీస్తూ తన ఆవేదన వ్యక్తం చేశారు.
సీఐ, కానిస్టేబుళ్ల ఒత్తిడి భరించలేక ఆత్మహత్య చేసుకుంటున్నానని రైల్వే ట్రాక్‌పై పడుకొని సెల్ఫీ వీడియో విడుదల చేశారు. ఈ వీడియోను చంద్రబాబు, లోకేష్ లు చూసి చర్యలు తీసుకోవాలని కోరారు. ప్రస్తుతం ఈ వీడియో వైరల్ అవుతోంది.
