Chandrababu : ‘బాబు’ దోమల గోల,.. వీడియో వైరల్

Chandrababu : చంద్రబాబు కట్టుకథలు చాలా చెబుతారు. ఏదైనా మీటింగ్ అంటే చాలు మైక్ పట్టుకొని గంటలు గంటలు అధికారులను చావకొడుతారు. తాజాగా కలెక్టర్ల సమావేశంలోనూ సిల్లీ విషయాలను వల్లెవేస్తూ అధికారుల ముందు పరువు తీసుకున్నారు. అదేదో పెద్ద టాపిక్ అనుకొని విన్న మీడియా ప్రతినిధులకు షాక్ తగిలింది. ఆ టాపిక్ ఏంటంటే.. దోమలు..

బాబు గారు దోమలపై డ్రోన్లతో దండయాత్ర చేస్తారట.. దోమలపై యుద్ధం చేయడానికి రెడీ అయ్యానని.. మోడీకి కూడా దీనికి తనకు సపోర్టుగా ఉన్నానని కలెక్టర్ల ఎదుట గొప్పలకు పోయాడు.

‘దోమలపై బాబు గారు పరిశోధన చేయించాడట.. శ్రీలంక , మలేషియా వెళ్లి మరీ పరిశోధించారట.. డ్రోన్లతో వాటిని నిర్మూలిస్తాడట.. ఒక్కో దోమని డ్రోన్ ద్వారా గుర్తించి అంతమొందిస్తాడట..

చంద్రబాబు తానేదో గొప్పతనం చేశానని.. ఆఖరుకు దోమలను కూడా వదలకపోవడం గమనార్హం. దోమలను కూడా తానే చంపానంటూ.. క్లీన్ ఇండియా అనే ఇనిషియేటివ్ ను ఆంధ్రా నుంచే మొదలుపెట్టినట్టుగా బిల్డప్ ఇచ్చాడు. కనీసం ఏం మాట్లాడుతున్నాడో సృహ కూడా లేదు.

చంద్రబాబు డ్రోన్లతో దోమలపై యుద్ధం ప్రకటించాడట.. డ్రోన్లతో కలిసి పురుగుల మందో.. ఏదో ఒక మందును పిచకారి చేసి దోమలను చంపాడట.. దోమలు నిల్వ ఉండే ప్రాంతాలను ఇలా నిర్మూలించాడట.. అది సరిగ్గా చెప్పరాక ఆపసోపాలు పడ్డాడు బాబు.. కలెక్టర్ల సదస్సులో ఈ బాబు గారి దోమల గోల చూసి అందరూ పకపకా నవ్వుకున్నారు. ఆ వీడియో వైరల్ అవుతోంది.